Առաքման պայմանները

 

Pxik.am կայքում տեղադրված որևէ ծառայությունից օգտվելը նշանակում է, որ Դուք համաձայնում և ընդունում եք ստորև ներկայացված առաքման բոլոր պայմանները:

 

 

Պատվերի ընդունում

Հարգելի հաճախորդներ տեղեկացնում ենք, որ կայքում գործում է պատվերի գումարի նվազագույն սահմանաչափ՝ 3000 դրամի չափով։

Պատվերները ընդունվում են մեր կայքի միջոցով (24ժամ) կամ զանգահարելով 093 55 39 44 և 055 39 55 36 հեռախոսահամարներին։ Մեր աշխատակիցները կօգնեն Ձեզ ձևակերպել պատվերը զանգի միջոցով, առցանց կամ կօգնեն գտնել մեր հասցեն։

Նախընտրած ապրանքները զամբյուղ ավելացնելուց հետո հարկավոր է բացել զամբյուղը և սեղմել "Ձևակերպել պատվերը" կոճակը։ Հնարավորինս սեղմ ժամկետում մեր աշխատակիցը կապ կհաստատի Ձեզ հետ, որպեսզի հաստատեք պատվերը։ Պատվերը հաստատվում է հեռախոսազանգի միջոցով և հաստատելուց հետո ենթակա չէ փոփոխության։

 

Առաքման տևողությունը և արժեքը

Երևանի տարածքում առաքումը կատարվում է պատվերի հաստատման հաջորդ աշխատանքային օրը (հնարավորության դեպքում առաքում ենք նույն օրվա ընթացքում) և արժե 500դր։ Ունենք նաև շտապ առաքում, որը գործում է միայն Երևանում, և կատարվում 3 ժամվա ընթացքում, արժեքը 1000-1500դր։

Առաքումը դեպի մարզեր կատարվում է 2-5 օրվա ընթացքում, արժեքը՝ 1000դր դեպի քաղաքներ և 1000-2500դր գյուղեր (ձեր գյուղ առաքման արժեքը կարող եք ճշտել կապնվելով մեզ հետ)։

Վճարումը կատարվում է ապրանքը առաքիչի կողմից Ձեզ հանձնելու ժամանակ, կանխիկ եղանակով և միայն ՀՀ դրամով (կայքում տեղադրված արտարժույթի փոփոխման ֆունկցիան միայն հաշվարկի համար է)։

 

Վերադարձ կամ փոխանակում

Pxik.am կայքից գնված ապրանքը վերադարձվում կամ փոխարինվում է գնման պահից սկսված 14 օրվա ընթացքում, եթե նշված ապրանքը չի օգտագործվել, պահպանված են փաթեթավորումը և պիտակները,  կապարակնիքները:

 Ետ վերադարձի կամ փոխանակման ենթակա չեն հետևյալ ապրանքները`

  1. անձնական հիգիենայի հետ կապված ապրանքներ,
  2. մանկական կերակրման ապրանքներ,
  3. անվանական, անհատական պատվերներ,
  4. տակդիրներ,
  5. փչովի կահույք, փչովի իրեր և լողավազաններ,
  6. ապրանքներ, որոնց նկարագրության մեջ նշված է "Վերադարձի ենթակա չէ",
  7. "Մանկական տրանսպորտ" բաժնի ապրանքներ, որոնք առնվազն մեկ անգամ օգտագործվել են դրսում։

 

Անթերի պատվեր ստանալուց հետո տեղում մերժելու դեպքում գնորդը պարտավոր է վճարել առաքման ծախսը ( Երևանում 800-1200դր, մարզերում՝ 1000-2500դր):

14 օրվա ընթացքում վերադարձի դեպքում հաճախորդից գանձվում է առաքման վճար (Երևանում 800-1200դր, մարզերում՝ 1000-2500դր) և պահվում փոխհատուցվող գումարի 3%-ը (որպես բանկային, հարկային, կամ քարտային ծախսեր)։

Վերադարձի ձևակերպումից հետո, պատվիրատուի գումարը կարող է վերադարձվել ինչպես առձեռն տարբերակով, այնպես էլ բանկային հաշվին փոխանցումով՝ առավելագույնը 10 աշխատանքային օրվա ընթացքում:

Պատվերը ստանալուց պետք է բացել և ստուգել ապրանքատեսակի սարքին վիճակը, համոզվել, որ այն չունի վնասված տեղեր և աշխատում է անթերի, որից հետո միայն ընդունել պատվերը: Եթե գնորդը կամ գնորդի ներկայացուցիչը ընդունում են ապրանքը և առաքչի հեռանալուց հետո գնված ապրանքի հետ խնդիր է առաջանում, ապա Pxik.am-ը դրա համար պատասխանատվություն չի կրում: 

Եթե պատվերը տեղում մերժվում է վնասված լինելու կամ ոչ սարքին լինելու պատճառով, ապա մենք պարտավորվում ենք այն հետ վերցնել՝ առանց լրացուցիչ ծախսեր գանձելու։

Եթե հաճախորդը մերժում է պատվերը տեղում ստուգելու պայմանը, ապա Pxik.am-ը պատասխանատու չէ հետագա անախորժությունների համար (մենք պարտադիր կերպով ստուգում ենք բոլոր ապրանքները նախքան պատվերը հաստատելը, և անվճար տեղադրում մարտկոցներ, եթե պահանջվում է)։

 

Առաքում

Pxik.am-ը ապրանքների առաքումը կարող է իրականացնել տարբեր ընկերությունների, առաքիչների և անհատների միջոցով:

Առաքման ուշացման և այլ խոչընդոտների դեպքում մենք պարտավորվում ենք Ձեզ տեղեկացնել այդ մասին հնարավորինս շուտ։